भीमा कृषि व पशू प्रदर्शन: प्रदर्शनाच्या चार दिवसात झाली १८ कोटींची उलाढाल

 भीमा कृषि व पशू प्रदर्शन: प्रदर्शनाच्या चार दिवसात झाली १८ कोटींची उलाढाल  तब्बल साडेपाच लाख शेतकऱ्यांसह नागरिकांनी दिली भेट

प्रदर्शनाच्या शेवटच्या दिवशी प्रदर्शनस्थळी शेतकऱ्यांनी व नागरिकांनी केली होती तुडुंब गर्दी* 

प्रदर्शनाच्या चार दिवसात झाली १८ कोटींची उलाढाल : तब्बल साडेपाच लाख शेतकऱ्यांसह नागरिकांनी दिली भेट

कोल्हापूर २९ सिटी न्यूज नेटवर्क 

 शेतकऱ्यांना एकाच छताखाली नवनवीन शेतीविषयक तंत्रज्ञानाची माहिती मिळावी यासाठी खासदार धनंजय महाडिक यांनी गेली १५ वर्षांपासून   पश्चिम महाराष्ट्रातील भव्य अशा "भीमा कृषी व पशुपक्षी प्रदर्शनाची सुरुवात केली.२६ जानेवारीस सुरू झालेल्या या भीमा कृषी व पशू पक्षी प्रदर्शनाची सांगता आज  २९ जानेवारी रोजी अभूतपूर्व गर्दीत झाली.भिमा कृषी प्रदर्शनात चार दिवसात  तब्बल १८ कोटींची  उलाढाल झाली

 

चार दिवसात कोल्हापूरसह,सांगली,सातारा, सोलापूर, कर्नाटक,इचलकरंजी व कोल्हापूर जिल्ह्यातील आसपासच्या ग्रामीण  भागातील तब्बल साडेपाच लाख शेतकऱ्यांनी व नागरिकांनी  दिली भेट.

भीमा कृषी प्रदर्शनात देश-विदेशातील विविध नामांकित  ४०० कंपन्याचा सहभाग होता. २०० महिला बचत गटाच्या माध्यमातून महिलांनी बनविलेल्या पदार्थांचा आस्वाद घेण्यासाठीही लोकांनी गर्दी केली होती.तांदळाची उंच्चांकी विक्री  झाली.चार दिवसात  महिलां बचत गटांनी उभ्या केलेल्या खाद्य पदार्थ स्टॉलच्या माध्यमातून  ५५ लाखांची उलाढाल  झाली आहे.यात अमृता घोटणे यांनी ४६ हजार उत्पन्न फिश फ्राय मधून घेतले तर सुरया मुकादम यांनी बिर्याणी मधून ६६ हजार उत्पन्न घेतले.त्यांचा सत्कार करण्यात आला.

 शेतीविषयक योजनांची माहिती घेऊन शेतीसाठी लागणारे साहित्य व धान्य ,बी बियाणे यांची खरेदी केली. दरवर्षी या कृषी प्रदर्शनाला शेतकऱ्यांचा भरघोस प्रतिसाद मिळतो.  शेतीसाठी लागणारी मोठी यंत्रे,व अवजारे खरेदी करण्यासाठी अनेक शेतकऱ्यांनी नोंदणी केली आहे.  

प्रदर्शनात देश-विदेशातील विविध

 नामांकित कंपन्यांचा सहभाग असून राष्ट्रपती पदक मिळविलेला,अनेक राष्ट्रीय पुरस्कार मिळालेला पानिपत येथील हरियाणा चॅम्पियन  गोलू टू रेडा,अडीच फूट उंचीची गाय,१०० किलो वजनाचा वैताळ बिटल (मेल),फायटर  कोंबडा,वाशी येथील ९५ किलोचा दीड वर्षाचा बिटल बकरा,७० किलो वजनाचा १ वर्ष २६ दिवसाचा कोहिनूर बिटल बकरा, लाल कंधारी म्हैस खास आकर्षण ठरली.मसाई पठार येथील सागर महाडिक यांच्या केदरलिंग गोशाळेतील सहा वर्षाचा कौंनक्रेज जातीचा सर्वसाधारण १२०० किलो लाडू नावाचा नंदी  हा आकर्षण ठरला.याचबरोबर गाय आणि बैल, पांढरा बैल, रावण नावाचा ६ फूट २ इंच लाल कंधारी वळू,नांदेड येथील बैल,साडेचार फूट लांब शिंग असलेली पंढरपुरी म्हैस खास आकर्षण ठरले.

याचबरोबर जाफराबादी गायी,हँगस्टर जातीचे पांढरे ससे,भीमा फार्म मधील ब्लॅक जॉक,सुलतान नावाचा घोडे,कडकनाथ कोंबड्या लव बर्ड आफ्रिकन फिशर,बर्ड,सेल,क्रोकोटल, पपेट,गिनिपिक चिनी कोंबड्या,बेकिंग बदक,घोडे प्रदर्शनाचे खास आकर्षण ठरले आहेत.

याचबरोबर  देशी आयुर्वेदिक शिवकालीन काळा ऊस,शंकेस्वरी दीड फूट लाल मिरची,खुपिरे येथील झाडाला पिकलेली देशी सेंद्रिय केळी आकर्षण ठरली. देशी आणि विदेशी भाजीपाला ज्यात ढबू  मिरची उदगावची केळी, व्हनूर नांदणी येथील देशी केळी,मुळा,,भेंडी,वांगी, पपई,हिरवा व लाल कोबी,निशिगंध फुल,घट्ट गुलाब फुल लांब देठ असलेले गुलाब फुल आदी आकर्षण ठरले व नवनवीन भाजीपाला लोकांना पाहता आला.

प्रदर्शनात  शेतकऱ्यानी पिकविलेला विविध प्रकारचा तांदूळ, शेततळे, विमा योजना मिळविण्यासाठी शेतकऱ्यांनी कशी शेती करायची यासह कृषी विभागाच्या वतीने शेतीविषयक विविध मॉडेल प्रदर्शनात सादर करण्यात आले होते.याचबरोबर विहिरीचे मॉडेल ही मांडण्यात आले होते.शेतकऱ्यांना याची माहिती घेता आली.

आज झालेली व्याख्याने

जैविक खतांचा पूरक वापर फायदेशीर या विषयावर प्रा. कृषी महाविद्यालय कोल्हापूर  डॉ. रवी कानडे यांनी मार्गदर्शन केले.

वरिष्ठ कृषी तज्ञ सुरेश मगदूम लागवडी मध्ये केळी  महत्वाचे पिक आहे.आरोग्यासाठी सफरचंद पेक्षा ५ पटीने केळीचे महत्व आहे जळगावच्या तुलनेत सांगली आणि कोल्हापूर मधील वातावरण पोषक आहे.उत्पादन चांगले मिळते .सशक्त व रोग मुक्तीची केळीची  रोपे जैन इरिगेशन कंपनी पुरविते.त्यामुळे ऊस पीक बरोबर केळीचे उत्पन्न घेण्याकडे शेतकऱ्यांनी वळावे असे आवाहन केले.

तर प्लॅस्टिक कल्चर नवयुगातील शेतकऱ्यांचे आधुनिक साधन या विषयावर व्हाईस प्रेसिडेंट कार्पोरेट अफेयर्स रिलायन्स इंडस्ट्रीज लिमिटेडचे श्री. सत्यजित भोसले यांनी  मार्गदर्शन करताना रेन वॉटर हार्वेस्टिंग,क्रॉप कव्हर यांचा शेतीत उपयोग करावा असे सांगितले.या सर्वांचे स्वागत प्रा.जे.पी.पाटील यांनी केले.

शेतक-यांसाठी कृषि प्रदर्शनात भागीरथी महिला संस्थेच्या वतीने मोफत झुणका भाकरीची सोय करण्यात आली होती.

भीमा कृषि प्रदर्शनात धान्य महोत्सव दालनात गेल्या चार दिवसात विक्री झालेला शेतमाल : 

१) सेंद्रीय गूळ : २५०० kg

२) इंद्रायणी तांदूळ : ३७०० kg 

३) आजरा घनसाळ : ५७०० kg 

४)रत्नागिरी २४ तांदूळ :- ३२०० kg

५)दप्तरी तांदूळ    :- २२०० kg

६) सेंद्रीय हळद : ६५० kg 

७) नाचणी व नाचणी पदार्थ : ९५०० kg

८)जंगल मध :- ८०० kg

९)करवंद सरबत :- ७५० लिटर

१०)काकवी :- ४५० लिटर

११)बेदाणे :- ७२० kg

१२)केळी :- ८५० kg

प्रायोजक रिलायन्स पोलिमर्स हे होते. तर कोल्हापूर कृषी विभाग महाराष्ट्र शासन,आत्मा, जिल्हा परिषद कोल्हापूर,एचसीपीएसी यांचे सहकार्य लाभले.  संयोजन भीमा उद्योग समूहासह खासदार धनंजय महाडिक व हाऊस ऑफ इव्हेंटचे सुजित चव्हाण यांनी केले होते.