सात वर्षाखालील मुलामुलींची कोल्हापूर जिल्हा निवड बुद्धिबळ स्पर्धा रविवारी कोल्हापूरात

 रोटरी क्लब ऑफ कोल्हापूर मिडटाउन व रोटरॅक्ट क्लब ऑफ कोल्हापूर मिडटाउन (फिनिक्स) पुरस्कृत सात वर्षाखालील  मुलामुलींची कोल्हापूर जिल्हा निवड बुद्धिबळ स्पर्धा रविवारी कोल्हापूरात

 कोल्हापूर २५ सिटी न्यूज नेटवर्क 

  चेस असोसिएशन कोल्हापूरच्या मान्यतेने विझार्ड चेस क्लब ने सात वर्षाखालील मुला मुलींची कोल्हापूर जिल्हा निवड बुद्धिबळ स्पर्धा रविवार दि.28 जुलै रोजी आयोजित केली आहे‌. या स्पर्धा रोटरी क्लब ऑफ कोल्हापूर मिड-टाऊन व रोटरॅक्ट क्लब ऑफ कोल्हापूर मिड-टाऊन (फिनिक्स) यांनी प्रायोजित केल्या आहेत..

 विझार्ड चेस क्लब, मातोश्री कॉम्प्लेक्स, राजारामपुरी नववी गल्ली, कोल्हापूर मध्ये या स्पर्धा स्विस लीग पद्धतीने आंतरराष्ट्रीय जलद बुद्धिबळाच्या नियमानुसार होणार आहेत.रविवारी सकाळी अकरा वाजता या स्पर्धेचे उद्घाटन झाल्यावर स्पर्धेच्या पहिल्या फेरीस प्रारंभ होईल. या स्पर्धेमध्ये फक्त कोल्हापूर जिल्ह्यातील 1/1/2017 ला किंवा त्यानंतर जन्मलेल्या मुलामुलींना भाग घेता येईल.

या निवड स्पर्धेतून दोन मुले व दोन मुलींची निवड 3 व 4 ऑगस्ट 2024 दरम्यान पालघर येथे होणाऱ्या महाराष्ट्र राज्य सात वर्षाखालील मुलामुलींच्या निवड बुद्धिबळ स्पर्धेसाठी करण्यात येणार आहे़.

  मुले आणि मुली दोन्ही गटातील विजेत्यांना व उपविजेत्यांना अनुक्रमे रोख एक हजार व पाचशे रुपये व चषक देऊन गौरविण्यात येणार आहे.

 याव्यतिरिक्त 10 मेडल्स उत्तेजनार्थ बक्षीस म्हणून दिली जाणार आहे.

निवड झालेल्या बुद्धिबळपटूंना स्पर्धा खेळण्यासाठी संघटनेचा टी-शर्ट व राज्य निवड बुद्धिबळ स्पर्धा खेळून आल्यावर प्रत्येकी एक हजार रुपये संघटनेच्या वतीने देण्यात येणार आहे.

या स्पर्धेत सहभागी होण्यासाठी रुपये दोनशे प्रवेश शुल्क ठेवले आहे. तरी इच्छुक बुद्धिबळपटूनी शनिवार दिनांक 27 जुलैला रात्री आठ वाजेपर्यंत प्रवेश फी सह आपली नावे खालील व्यक्तीकडे नोंदवावीत.

  1) आरती मोदी - 8149740405

 2) मनीष मारुलकर - 9922965173

3) उत्कर्ष लोमटे - 9923058149

4) प्रितम घोडके  - 8208650388

5) रोहित पोळ - 9657333926