सिगरेटची चढ्या दराने विक्री : ग्राहकांची उघड लूट MRP १७० असताना २२० ते २५० रुपयांनी विक्री; प्रशासनाचे दुर्लक्ष?

 सिगरेटची चढ्या दराने विक्री : ग्राहकांची उघड लूट

MRP १७० असताना २२० ते २५० रुपयांनी विक्री; प्रशासनाचे दुर्लक्ष?

कोल्हापूर २५ सिटी न्यूज नेटवर्क 

शहरातील विविध पानटपऱ्या व किरकोळ दुकानांमध्ये सिगरेटची चढ्या दराने विक्री होत असल्याचे समोर आले आहे. ज्या सिगरेट पाकिटावर कमाल किरकोळ किंमत (MRP) १७० रुपये छापलेली आहे, तीच पाकिटे ग्राहकांना २२० ते २५० रुपयांपर्यंत विकली जात असल्याची तक्रार ग्राहकांकडून होत आहे.

महागाईच्या काळात आधीच आर्थिक ताण सहन करणाऱ्या नागरिकांची अशा प्रकारे सर्रास लूट होत असल्याचा आरोप केला जात आहे. काही विक्रेते “स्टॉक कमी आहे”, “मागणी जास्त आहे” किंवा “GST वाढला आहे” अशा कारणांवर जादा दर आकारत असल्याचे ग्राहकांनी सांगितले. मात्र MRP पेक्षा अधिक दराने विक्री करणे कायद्याने गुन्हा असून ग्राहक संरक्षण कायद्यानुसार कारवाईची तरतूद आहे.

ग्राहकांनी अशा प्रकारच्या विक्रीविरोधात संबंधित प्रशासनाकडे तक्रार करण्याची मागणी केली आहे. अन्न व औषध प्रशासन तसेच कायदेविषयक विभागाने या प्रकरणाची दखल घेऊन तपास करावा, अशी मागणी नागरिकांतून होत आहे.

दरम्यान, प्रशासनाने तातडीने कारवाई करून ग्राहकांची होणारी लूट थांबवावी, अशी अपेक्षा व्यक्त होत आहे.