जिल्हा परिषद कोल्हापूर येथे यशवंतराव चव्हाण यांच्या जयंतीनिमित्त अभिवादन

 जिल्हा परिषद कोल्हापूर येथे यशवंतराव चव्हाण यांच्या जयंतीनिमित्त अभिवादन

कोल्हापूर १२ सिटी न्यूज नेटवर्क 

जिल्हा परिषद कोल्हापूरच्या आवारात भारताचे माजी संरक्षण मंत्री व महाराष्ट्राचे पहिले मुख्यमंत्री Yashwantrao Chavan यांच्या जयंतीनिमित्त त्यांच्या पुतळ्यास पुष्पहार अर्पण करून अभिवादन करण्यात आले.

या वेळी जिल्हा परिषदेचे मुख्य कार्यकारी अधिकारी श्री. कार्तिकेयन एस (भा.प्र.से.), अतिरिक्त मुख्य कार्यकारी अधिकारी श्री. संतोष जोशी, उपमुख्य कार्यकारी अधिकारी (सा.प्र.) श्री. ओमप्रकाश यादव, उपमुख्य कार्यकारी अधिकारी (ग्रापं) श्री. जयवंत उगले तसेच जिल्हा आरोग्य अधिकारी डॉ. पिंपळे यांनी पुतळ्यास पुष्पहार अर्पण करून अभिवादन केले.

यावेळी उपस्थित मान्यवरांनी महाराष्ट्र राज्याच्या जडणघडणीत Yashwantrao Chavan यांनी दिलेल्या मोलाच्या योगदानाची आठवण करून त्यांना आदरांजली अर्पण केली. महाराष्ट्राचे पहिले मुख्यमंत्री तसेच देशाचे माजी संरक्षण मंत्री म्हणून त्यांनी केलेले कार्य, त्यांची दूरदृष्टी, नेतृत्वगुण आणि विकासाभिमुख धोरणांमुळे राज्याच्या सर्वांगीण प्रगतीस मोठी चालना मिळाली असल्याचे उपस्थितांनी नमूद केले.

या प्रसंगी जिल्हा परिषदेच्या विविध विभागांतील अधिकारी व कर्मचारी मोठ्या संख्येने उपस्थित होते. उपस्थितांनी त्यांच्या कार्याला अभिवादन करून त्यांच्या स्मृतींना विनम्र श्रद्धांजली अर्पण केली.

सदर कार्यक्रमाचे निवेदन सुषमा पाटील, अध्यापिका, मेन राजाराम कॉलेज, कोल्हापूर यांनी केले.