“जायंट्स ग्रुप ऑफ रंकाळा चौपाटी, कोल्हापूरचा नूतन अध्यक्ष पदग्रहण सोहळा उत्साहात

“जायंट्स ग्रुप ऑफ रंकाळा चौपाटी, कोल्हापूरचा नूतन अध्यक्ष पदग्रहण सोहळा उत्साहात; परिवहन सभापती सत्यजित जाधव यांचे सहकार्याचे आवाहन”

कोल्हापूर १५ सिटी न्यूज नेटवर्क 

जायंट्स वेल्फेअर फाउंडेशनच्या अंतर्गत कार्यरत असलेल्या जायंट्स ग्रुप ऑफ रंकाळा चौपाटी, कोल्हापूर या संस्थेच्या नूतन अध्यक्ष पदग्रहण व शपथविधी सोहळ्याचे आयोजन उत्साहात करण्यात आले. यावेळी प्रा. तानाजी विष्णू पाटील यांनी २०२६ सालासाठी अध्यक्षपदाची सूत्रे स्वीकारली.

या कार्यक्रमासाठी कोल्हापूर महानगरपालिकेचे नगरसेवक व परिवहन समिती सभापती सत्यजित चंद्रकांत जाधव हे प्रमुख अतिथी म्हणून उपस्थित होते. आपल्या भाषणात त्यांनी समाजाभिमुख कार्य करणाऱ्या संस्थांना सर्वांनी सहकार्य करण्याची गरज व्यक्त केली. जायंट्स ग्रुपच्या माध्यमातून सामाजिक उपक्रम अधिक प्रभावीपणे राबवावेत असे आवाहनही त्यांनी केले.

कार्यक्रमात नवीन संचालक मंडळ व सदस्यांचा शपथविधी पार पडला. या वेळी विविध मान्यवरांची उपस्थिती लाभली. प्रमुख मान्यवरांमध्ये मंगला कुलकर्णी, डॉ. राजकुमार पोळ , अनुजा पाटील, मंदाकिनी साखरे, बबिता जाधव, सुरेश खांडेकर, डॉ. शरदचंद्र दिवाण, डॉ. आशा शितोळे यांचा समावेश होता.

तसेच या कार्यक्रमाला अनेक मान्यवर व संस्थेचे पदाधिकारी उपस्थित होते. त्यांच्या प्रमुख उपस्थितीत संपूर्ण कार्यक्रम पार पडला. संस्थेच्या आगामी सामाजिक उपक्रमांविषयीही यावेळी माहिती देण्यात आली.

कार्यक्रमाचे सूत्रसंचालन पत्रकार शुभांगी तावरे यांनी प्रभावीपणे केले. कार्यक्रमास संस्थेचे पदाधिकारी, सदस्य आणि नागरिक मोठ्या संख्येने उपस्थित होते.

संस्थेच्या माध्यमातून समाजोपयोगी उपक्रम अधिक व्यापक स्वरूपात राबविण्याचा संकल्प यावेळी व्यक्त करण्यात आला.