आजचे राशीभविष्य

आजचे राशीभविष्य 

🌞 शनिवार, १३ जून २०२६

अधिक ज्येष्ठ कृष्ण त्रयोदशी / दुपारी ४.०८ नंतर चतुर्दशी. ग्रीष्म ऋतू.

पराभव नाम संवत्सर. शके १९४८, संवत २०८२.

🪔 राशिभविष्य - ज्योतिषी मंगेश पंचाक्षरी, नाशिक.

📞 (संपर्क - 8087520521)

⏰ राहुकाळ - सकाळी ९.०० ते सकाळी १०.३०

⚠️ आज वर्ज्य दिवस आहे.

🌙 नक्षत्र - कृत्तिका.

🌟 आज जन्मलेल्या बाळाची राशी - मेष / सकाळी ९.२६ नंतर वृषभ.

 (विष्टी करण)

🔭 चंद्र लाभ गुरू.

🔭 चंद्र लाभ शुक्र.

🔭 चंद्र युती हर्षल.

🔭 चंद्र लाभ नेपच्यून.

टीप:- नावाप्रमाणेच तुमच्या राशी असतील असे नाही. अधिक माहितीसाठी आमच्या "राशीभाव" या फेसबुक पेजला भेट द्या.

मेष:- (चू,चे,चो,ला,ली,ले,लो,आ) सकाळपर्यंत चंद्र राशीत असल्याने आत्मविश्वास उत्तम राहील. महत्त्वाची कामे सकाळी पूर्ण करण्याचा प्रयत्न करा. चंद्र-हर्षल योगामुळे अचानक निर्णय घेणे टाळा. आर्थिक लाभाचे संकेत आहेत.

वृषभ:- (इ,उ,ए,ओ,वा,वी,वू,वे,वो) सकाळनंतर चंद्र राशीत प्रवेश करणार असल्याने उत्साह वाढेल. व्यक्तिमत्त्वाचा प्रभाव पडेल. नवीन योजना आखण्यासाठी दिवस अनुकूल आहे. मित्रांचे सहकार्य लाभेल.

मिथुन:- (का,की,कु,घ,गं,छा,के,को,हा) खर्च वाढण्याची शक्यता आहे. धार्मिक आणि आध्यात्मिक कार्यात मन रमणार आहे. दूरच्या व्यक्तींकडून शुभवार्ता मिळू शकते. आर्थिक व्यवहारात सावधगिरी बाळगा.

कर्क:- (हु,हे,हो,डा,डी,डु,डे,डो) लाभस्थानी ग्रहयोग असल्याने आर्थिक आवक वाढेल. मित्रांचे सहकार्य लाभेल. रखडलेली कामे पूर्ण होतील. सामाजिक क्षेत्रात मान-सन्मान वाढेल. नवीन ओळखी लाभदायक ठरतील.

सिंह:- (मा,मी,मू,मे,मो,टा,टी,टू,टे) व्यवसाय आणि नोकरीत प्रगती होईल. वरिष्ठांची मर्जी संपादन कराल. जबाबदाऱ्या वाढतील, पण त्यातून लाभही मिळेल. प्रतिष्ठा वाढवणाऱ्या घटना घडतील.

कन्या:- (टो,पा,पी,पू,षा,णा,ठा,पे,पो) भाग्याची उत्तम साथ लाभेल. प्रवासाचे योग संभवतात. धार्मिक कार्यात सहभाग घ्याल. शिक्षण आणि स्पर्धा परीक्षांमध्ये यश मिळण्याची शक्यता आहे.

तुळ:- (रा,री,रु,रे,तो,ता,ती,तू,ते) आर्थिक व्यवहारात सावधगिरी बाळगा. अनपेक्षित खर्च संभवतो. गुप्त लाभाची शक्यता आहे. संयम आणि नियोजन यामुळे अडचणी दूर होतील.

वृश्चिक:- (तो,ना,नी,नू,ने,नो,या,यी,यु) भागीदारीच्या कामात लाभ मिळेल. वैवाहिक जीवनात आनंदाचे वातावरण राहील. चंद्र-शुक्र आणि गुरूच्या शुभ प्रभावामुळे संबंध अधिक दृढ होतील. नवीन करार यशस्वी ठरतील.

धनु:- (ये,यो,भा,भी,भु,धा,फा,ढा,भे) कामाचा ताण वाढेल, पण मेहनतीचे योग्य फळ मिळेल. विरोधकांवर विजय मिळवाल. आरोग्याची काळजी घ्या. नियमित कामातून लाभ मिळेल.

मकर:- (भो,जा,जी,खी,खु,खे,खो,गा,गी) सर्जनशील कार्यात यश मिळेल. विद्यार्थ्यांना चांगले यश मिळेल. प्रेमसंबंधात सकारात्मक घडामोडी घडतील. संततीकडून आनंददायक बातमी मिळू शकते.

कुंभ:- (गु,गे,गो,सा,सी,सु,से,सो,दा) घरगुती वातावरण आनंददायी राहील. मालमत्तेशी संबंधित कामे मार्गी लागतील. कुटुंबीयांचे सहकार्य लाभेल. मानसिक समाधान मिळेल. वास्तूविषयक निर्णय घेऊ शकता.

मीन:- (दी,दू,झा,ज्ञा,था,दे,दो,चा,ची) पराक्रम वाढेल. भावंडांचे सहकार्य लाभेल. संवाद कौशल्यामुळे कामे मार्गी लागतील. लहान प्रवास लाभदायक ठरतील. नवीन व्यवहार यशस्वी होतील.

कुंडली परीक्षण करण्यासाठी कृपया संपर्क करा. - ज्योतिषी मंगेश पंचाक्षरी, नाशिक. 8087520521

१३ जून रोजी जन्मलेल्या व्यक्तींची वैशिष्ट्ये आणि आजचे राशिभविष्य:-

     तुमच्यावर हर्षल, शुक्र आणि बुध या ग्रहाचा प्रभाव आहे. तुम्हाला वरिष्ठ पदावर नोकरी लागते. वयाच्या 31 पासून भाग्योदय होतो. तुमच्यात जबरदस्त इच्छाशक्ती आहे. कामात सातत्य आणि चिकाटी आहे. त्याचा तुम्हाला लाभ होतो. विकारांवर तुम्ही नियंत्रण ठेवले पाहिजे. तुमची स्मरणशक्ती उत्तम आहे. तुम्ही उच्च वर्तुळात वावरतात. जीवनात प्रेमप्रसंग येऊ शकतात. आयुष्यात सर्वकाही शांतपणेमिळावे, त्याचा बोभाटा असू नये असे तुम्हाला वाटते. अनेकदा तुमच्या वागण्यात विरोधाभास जाणवतो. तुम्हाला अनेक विलक्षण आणि अनपेक्षित घटनांचा अनुभव येतो त्यामुळे तुम्ही जीवनात कोणत्याही परिस्थितीला तोंड देऊ शकतात. तुमचा कामाचा वेग प्रचंड आहे, तुमच्यामध्ये व्यापारी वृत्ती आणि तल्लख पण आहे. तुमची विचारसरणी शास्त्रीय आणि तर्कशुद्ध आहे. तुमच्या मध्ये प्रचंड उत्साह आहे. हातात घेतलेल्या कार्यात तुम्ही पूर्वनियोजन करून उत्तम यश मिळवतात. तुम्हाला नाविन्याची आणि प्रवासाची आवड आहे. रूढी, परंपरा तुम्हाला फारसे आवडत नाहीत. आपल्या आयुष्यात सतत बदल असावा असं तुम्हाला वाटत राहते त्यामुळे तुमचे घर, नोकरी आणि मित्रपरिवार देखील बदलत राहतो. तुम्ही आर्थिक बाबतीत नशीबवान आहात. तुमच्या वागण्या मध्ये एक ठामपणा आहे. तुम्हाला तुमच्या अहंकारी आणि हट्टी स्वभावामुळे व्यवसायात अडचणी येऊ शकतात. तुम्हाला तुमच्या कर्तृत्वाची चांगली जाणीव झाल्यास तुमच्यासाठी आयुष्यात अशक्य असे काहीच नाही.   

व्यवसाय:- जाहिरात क्षेत्र, वृत्तपत्र, इंटरियर डिझाईन, बँकिंग, आयात-निर्यात, रसायनशास्त्र, भौतिकशास्त्र, कान नाक डोळे तज्ञ, संशोधन.

शुभ दिवस:- सोमवार, शुक्रवार, रविवार.

शुभ रंग:- जांभळा, निळा, पांढरा.

शुभ रत्न:- पाचू, मोती, हिरा.

 

(रत्ने घेताना कुंडलीचा देखील उपयोग करा)