टिपर कर्मचाऱ्यांचा पगार जमा, 'आप'च्या शिष्टाईला यश

 

टिपर कर्मचाऱ्यांचा पगार जमा, 'आप'च्या शिष्टाईला यश

कर्मचाऱ्यांनी दिलेला संपाचा इशारा मागे

कोल्हापूर 27 सिटी न्यूज नेटवर्क

शहराचा कचरा उठाव करण्याचं अत्यंत महत्वाचं काम करणाऱ्या टिपर चालकांचा मे महिन्याचा पगार अद्याप न झाल्याने चालकांनी काम बंद केले होते. त्या चालकांनी आम आदमी पार्टीच्या पदाधिकाऱ्यांना या प्रश्नात लक्ष घालून तो सोडवावा अशी विनंती केली होती. कसबा बावडा येथील डंपिंग साईटवर बैठक घेऊन टिपर चालकांचे पगार व्हावेत यासाठी 'आप'चे पश्चिम महाराष्ट्र अध्यक्ष संदीप देसाई यांनी डी. एम. कंपनीच्या अधिकाऱ्यांना संपर्क साधून पगार आजच्या आज करावेत अशी मागणी केली. आज सर्व चालकांचे पगार होतील असे आश्वासन कंपनीने दिल्यानंतर दुपारपर्यंत सर्व कर्मचाऱ्यांचे पगार जमा झाले.

जोपर्यंत पगार होत नाही तोपर्यंत काम सुरू करणार नाही अशी भूमिका चालकांनी घेतली होती. परंतु पगार जमा झाल्याने उद्या कचरा उठाव पूर्वरत सुरू राहणार आहे. 

कर्मचाऱ्यांचे पी.एफ, इ एस आय सी, पगार स्लिप आणि अवाजवी पगार कपात या मुद्यांवर 'आप' शिष्टमंडळाची डी. एम. एंटरप्राइजेसच्या अधिकाऱ्यांसोबत झालेल्या बैठकीत पी.एफ, इ.एस.आय.सी संबंधित सर्व त्रुटी दूर करू, पगार 15 ते 20 तारखेपर्यंत जमा करू, पगार कपातीचा नियमांवर ढिलाई देऊ असे आश्वासन कंत्राटदाराने दिले. मागण्या मान्य झाल्याबद्दल टिपर चालकांनी संदीप देसाईंचा पुष्पगुच्छ देऊन सत्कार केला. यावेळी सूरज सुर्वे, अभिजित कांबळे, आनंदा चौगुले, मयूर भोसले, उत्तम पाटील, विशाल वठारे व टिपरचालक उपस्थित होते.

उद्या सायंकाळी 5 वा. महापालिकेचे अधिकारी, कंत्राटदार, टिपर चालक व 'आप'च्या पदाधिकाऱ्यांची संयुक्त बैठक महापालिकेत आयोजित केलेली आहे. पगार वाढीच्या मुद्द्यासोबत इतर मुद्दे या बैठकीत चर्चेला घेतले जाणार आहेत.