रिलायन्स जिओचा दबदबा कायम, मे महिन्यात जोडले 31 लाख ग्राहक

 रिलायन्स जिओचा दबदबा कायम, मे महिन्यात जोडले 31 लाख ग्राहक

• जिओच्या एकूण कनेक्शनची संख्या ४० कोटी ८७ लाखांपेक्षा जास्त

• व्होडा आयडियाने गमावले सुमारे 7 लाख 60 हजार ग्राहक

 एअरटेल ची ग्राहकसंख्येत 10.27 लाखांची वाढ

• देशातील वायरलेस ग्राहक संख्या 114.55 दशलक्ष 

• 79 लाख 70 हजारांनी मोबाईल नंबर पोर्टेबिलिटीसाठी अर्ज 

 कोल्हापूर १९ सिटी न्यूज नेटवर्क

भारतीय दूरसंचार नियामक प्राधिकरण अर्थात TRAI ने मंगळवारी जारी केलेल्या अहवालानुसार मे 2022 मध्ये रिलायन्स जिओने 31 लाख 11 हजाराहून अधिक ग्राहकांना आपल्या नेटवर्कमध्ये जोडले आहे. रिलायन्स जिओ 40.87 दशलक्ष ग्राहकांसह दूरसंचार क्षेत्रात प्रथम क्रमांकावर आहे.

  

देशातील दिग्गज कंपनी व्होडा आयडिया म्हणजेच Vi ला मे महिन्यात पुन्हा एकदा मोठा तोटा सहन करावा लागला आहे. एप्रिलच्या तुलनेत मे महिन्यात 7 लाख 60 हजार ग्राहकांनी व्होडा-आयडियाचे नेटवर्क सोडले. सुमारे 25.84 दशलक्ष वापरकर्त्यांसह, ते बाजारात तिसऱ्या क्रमांकावर आहे. भारती एअरटेल यूजर्सच्या बाबतीत दुसऱ्या क्रमांकावर आहे. एअरटेलने मे महिन्यात जवळपास 10 लाख 27 हजार युजर्स जोडले आहेत. मे महिन्यात एअरटेल वापरकर्त्यांची एकूण संख्या 36.21 दशलक्ष इतकी होती.

वायरलेस सब्सक्राइबर अर्थात भारतातील मोबाईल कनेक्शन मार्केटमध्ये, रिलायन्स जिओ 35.69 टक्के ग्राहकांसह पहिल्या स्थानावर आहे. भारती एअरटेल 31.62% आणि व्होडाफोन आयडिया 22.56% मार्केट शेअरसह दुसऱ्या आणि तिसऱ्या स्थानावर आहेत. बीएसएनएल ९.८५ टक्क्यांसह चौथ्या क्रमांकावर आहे.

ट्रायच्या आकडेवारीनुसार मे महिन्यात एकूण मोबाईल कनेक्शनमध्ये वाढ झाली आहे. एप्रिलच्या तुलनेत मे महिन्यात सुमारे 28 लाख 45 हजार नवीन कनेक्शन जोडण्यात आले आहेत. ग्रामीण भागातील सदस्य संख्येतही सुमारे 20 लाख 77 हजारांची वाढ दिसून आली. मे महिन्यात ग्रामीण भारतातील एकूण कनेक्शनची संख्या ५१.८८ दशलक्ष वरून ५२.०९ दशलक्ष झाली आहे. देशातील वायरलेस ग्राहकांची संख्या 114.55 दशलक्ष ओलांडली आहे. मे महिन्यात एकूण 79 लाख 70 हजार ग्राहकांनी मोबाईल नंबर पोर्टेबिलिटीसाठी अर्ज केले होते.