कोल्हापुर जिल्हाधिकारी कार्यलयासमोर टीबी कर्मचारी यांची निदर्शने

कोल्हापुर जिल्हाधिकारी कार्यलयासमोर  टीबी कर्मचारी यांची निदर्शने

२२  वर्षापासूनचे  कंत्राटी काम करणारे टीबी कर्मचारी यांची  निदर्शने

कोल्हापूर २९ सिटी न्यूज नेटवर्क

राष्ट्रीय क्षयरोग कार्यक्रमांतर्गत कार्यरत असणारे करार तत्त्वावरील कर्मचारी मागील २२ वर्षांपासून सेवारत असून अद्यापही शासनाच्या उदासीनतेमुळे राज्यातील २२०० कंत्राटी कर्मचारी सेवेत कायम होऊ शकले नाहीत. वारंवार शासन स्तरावर मागणी, विनंती करूनही शासनाने त्यांच्या मागण्यांकडे दुर्लक्ष केले आहे . सदर कर्मचाऱ्यांना देण्यात येणारे तुटपुंजे मानधन व इंधन , यामधील तफावती दूर  करावी या बाबीचा निषेध नोंदविण्यासाठी व शासनाचे मागण्यांकडे लक्ष वेधले जावे म्हणून महाराष्ट्र राज्य क्षयरोग नियंत्रण कंत्राटी कर्मचारी संघटनेच्या आवाहनास प्रतिसाद म्हणून दिनांक २९ सप्टेंबर २०२२ ते दिनांक ६ ऑक्टोबर २०२२ या कालावधीत विविध मागण्यांसाठी कोल्हापूर जिल्ह्यातील क्षयरोग विभागातील करार तत्वावरील कर्मचाऱ्यांनीही अधिवेशनाबाबत व विविध मागण्या संदर्भांत निवेदन दिलॆ आहे 

क्षयरोग विभागातील करार तत्वावरील कंत्राटी कर्मचाऱ्यांनी  कोविड सारख्या महाभयंकर साथीमध्ये  जिवाची पर्वा न करता तसेच क्षयरोग हा संसर्गजन्य आजार असून गेली २२ वर्ष रुग्ण सेवा हे कंत्राटी कर्मचारी करत आहेत काम करत आहेत तरीही त्यांच्याबाबत कोणताही सकारात्मक निर्णय घेतला जात नाही. यामुळे दिनांक २९ व ३० सप्टेंबर २०२२ रोजी जिल्हाधिकारी कार्यालयासमोर निदर्शने  व ३ ऑक्टोबर रोजी आजाद मैदान मुंबई येथे  राज्यस्तरीय अधिवेशन करणार आहेत . संपूर्ण  महाराष्ट्र राज्यातील जिल्हास्तरावर अशा प्रकारचे निवेदन वरीष्ठ अधिकारी याना देवुन निदर्शने करण्यात आलीत मागण्या मान्य न झाल्यास यापुढील आंदोलन ही तीव्र स्वरूपाचे असणार आहे.

अशी  महाराष्ट्र राज्य क्षयरोग नियंत्रण कर्मचारी संघटनेचे कार्याध्यक्ष श्री संजय पाटील यांनी माहिती दिली  

यावेळी श्री संजय पाटील  समन्वयक विशाल मिरजकर, जिल्हा कार्याध्यक्ष यशोधन कुन्नुरे उपाध्यक्ष धनंजय परीट , काजल देसाई,  स्मिता पाटील, शहर विभागाचे डॉ.रूपाली दळवी, श्री.अभिनव पोळ , कीर्ती घाटगे सुशांत कांबळे , यांनी मान. जिल्हाधिकारी श्री राहुल रेखावार, मान. मुख्य कार्यकारी अधिकारी, श्री.संजय सिंह चव्हाण, मान. आरोग्य उपसंचालक, कोल्हापूर परिमंडळ कोल्हापूर डॉ. दुर्गादास पांडे  मान. जिल्हा आरोग्य अधिकारी, डॉ.योगेश साळे, जिल्हा क्षयरोग अधिकारी डॉ. यु जी कुंभार यांना संघटनेतर्फे मागण्यांचे निवेदन दिले. यावेळी सर्व कंत्राटी अधिकारी कर्मचारी उपस्थित होते . 

यासाठी सपूर्ण  महारास्ट्रातील  निदर्शने करण्यात आली व व निवेदने देण्यात येत आहे . यामध्ये  कोल्हापुर जिल्हातील व शहर विभागातील सर्व  टीबी विभागातील  सर्व कर्मचारी सहभागी होते.आंदोलनास आरोग्य विभागातील विविध संघटनांनी आपला पाठिंबा दर्शविला असून कर्मचाऱ्यांवर झालेल्या अन्याय विरोधातील मागण्या रास्त स्वरूपाचे असल्याचे या संघटनांचे म्हणणे आहे.