रिलायन्स जिओ सरासरी 4G डाउनलोडसह अपलोड स्पीडमध्ये सुद्धा नंबर 1 - ट्राय

 रिलायन्स जिओ सरासरी 4G डाउनलोडसह अपलोड स्पीडमध्ये सुद्धा नंबर 1  - ट्राय

• जिओ 19.1 Mbps च्या सरासरी 4G डाउनलोड स्पीडसह अव्वल

• जिओ व्होडा आयडिया ला मागे टाकून 4G सरासरी अपलोड गतीमध्ये प्रथम  स्थानावर

• उकला च्या 5G स्पीड चाचणीत सुद्धा जिओ एअरटेल च्या पुढे 

नवी दिल्ली, 17 सिटी न्यूज नेटवर्क

 देशातील सर्वात मोठी दूरसंचार कंपनी रिलायन्स जिओने सरासरी 4G डाउनलोड स्पीडसह अपलोड स्पीडमध्ये प्रथम क्रमांक पटकावला आहे. भारतीय दूरसंचार नियामक प्राधिकरण ट्राय (TRAI)  ने जाहीर केलेल्या सप्टेंबरच्या आकडेवारीनुसार, जिओ चा सरासरी 4G डाउनलोड स्पीड 19.1 Mbps इतका मोजला गेला. त्याच वेळी, ऑगस्ट महिन्यात जिओ चा सरासरी 4G डाउनलोड स्पीड 17.4 Mbps होता. अलीकडेच, उकलाने राजधानीसह चार शहरांसाठी सरासरी 5G गतीची आकडेवारी जाहीर केली. ज्यामध्ये रिलायन्स जिओ आपल्या प्रतिस्पर्धी एअरटेलपेक्षा खूप पुढे होती. दिल्लीमध्ये, जिओने 5G च्या सरासरी डाउनलोड स्पीडमध्ये 600 एमबीपीएसला स्पर्श केला होता.

डेटा दर्शवितो की दूरसंचार कंपनी वी (Vodafone-Idea) ची 4G डाउनलोड गती सतत कमी होत आहे. फेब्रुवारी-2022 मध्ये 18.4 एमबीपीएसच्या डाउनलोड स्पीडवरून सप्टेंबरमध्ये 12.7 एमबीपीएसवर घसरला गेला. सप्टेंबरमध्ये एअरटेलच्या डाऊनलोड स्पीडमध्ये किरकोळ सुधारणा होऊन 14 एमबीपीएस झाली. वी च्या खराब कामगिरीचा फायदा एअरटेलला मिळाला आणि ती तिसऱ्या क्रमांकावरून दुसऱ्या क्रमांकावर घसरली आहे. मात्र, एअरटेल अजूनही आपला प्रतिस्पर्धी रिलायन्स जिओपेक्षा खूप मागे आहे. ट्रायच्या डाऊनलोड स्पीड टेस्टमध्ये जिओ पहिल्या स्थानावर आहे.

सर्वात मोठा बदल सरासरी 4G अपलोड गतीमध्ये आहे. रिलायन्स जिओ  सरासरी 4G अपलोड स्पीडमध्ये सुद्धा नंबर वन बनला आहे, ज्याने वी ला मागे टाकले आहे जो बर्याच काळापासून पहिल्या स्थानावर होता. ट्रायच्या आकडेवारीवरून असे दिसून आले आहे की सप्टेंबरमध्ये जिओ वगळता सर्व अपलोड स्पीडमध्ये घट झाली आहे. जिओ चा सरासरी 4G अपलोड स्पीड 6.4 Mbps होता तर वी चा 5.9 Mbps होता. एअरटेलचा वेग सरकारी मालकीच्या बीएसएनएलच्या पातळीवर घसरला आहे. दोघांची सरासरी 4G अपलोड गती 3.4 Mbps होती.