जिल्हा परिषद निवडणुकीसाठी मतदान प्रक्रिया सुरू; मतदारांमध्ये उत्साह

जिल्हा परिषद निवडणुकीसाठी मतदान प्रक्रिया सुरू; मतदारांमध्ये उत्साह

कोल्हापूर ०७ सिटी न्यूज नेटवर्क 

जिल्हा परिषद निवडणुकीसाठी आज सकाळपासून मतदान प्रक्रिया शांततेत सुरू झाली असून ग्रामीण भागात मतदारांमध्ये उत्स्फूर्त प्रतिसाद पाहायला मिळत आहे. मतदान केंद्रांवर सकाळी लवकरपासूनच मतदारांच्या रांगा लागल्याचे चित्र अनेक ठिकाणी दिसून येत आहे.

महिला, ज्येष्ठ नागरिक तसेच प्रथमच मतदान करणाऱ्या तरुणांमध्ये विशेष उत्साह दिसून येत असून लोकशाहीच्या उत्सवात सहभागी होण्यासाठी नागरिक मोठ्या संख्येने मतदान केंद्रांवर दाखल होत आहेत. मतदान केंद्रांवर सुरळीत मतदान व्हावे यासाठी प्रशासनाकडून आवश्यक ती तयारी करण्यात आली असून पोलीस बंदोबस्तही तैनात करण्यात आला आहे.

जिल्ह्यातील विविध गटांमध्ये प्रमुख पक्षांसह अपक्ष उमेदवारांचे भवितव्य आज मतपेटीत बंद होणार असून सत्तासंघर्षाबाबत मतदारांमध्ये चांगलीच चर्चा रंगली आहे. काही ठिकाणी आदर्श आचारसंहितेचे पालन व्हावे यासाठी निवडणूक निरीक्षकांचीही उपस्थिती आहे.

सायंकाळपर्यंत मतदानाचा टक्का वाढेल, असा अंदाज व्यक्त केला जात असून मतदान शांततेत पार पडावे यासाठी प्रशासन सज्ज असल्याचे अधिकाऱ्यांनी सांगितले.

---