‘एआय फॉर ऑल’चा निर्धार; पंतप्रधान नरेंद्र मोदीयांची Jio Platforms एआय पॅव्हेलियनला विशेष भेट
नवी दिल्ली, १६ सिटी न्यूज नेटवर्क
इंडिया आर्टिफिशियल इंटेलिजन्स इम्पॅक्ट समिटदरम्यान पंतप्रधान नरेंद्र मोदी यांनी जिओच्या एआय पॅव्हेलियनला भेट देत देशातील खासगी क्षेत्रातील एआय उपक्रमांची सविस्तर माहिती घेतली. या भेटीदरम्यान एंटरप्राइजपासून हेल्थकेअर आणि स्मार्ट होमपर्यंत विविध क्षेत्रांसाठी विकसित करण्यात आलेल्या एआय मॉडेल्सची पाहणी करण्यात आली.
पंतप्रधानांनी जिओ इंटेलिजन्स, जिओ संस्कृती एआय, जिओ आरोग्य एआय, जिओ शिक्षण आणि जिओ एआय होम यांसारख्या मॉडेल्सची माहिती जाणून घेतली. एंटरप्राइज इंटेलिजन्स, भारतीय भाषा व सांस्कृतिक कंटेंटचा प्रसार, आरोग्यसेवा सुलभ करणे, शिक्षण क्षेत्रातील डिजिटल सोल्युशन्स आणि स्मार्ट होम सुविधा सर्वसामान्यांपर्यंत पोहोचवणे हा या उपक्रमांचा मुख्य उद्देश असल्याचे सांगण्यात आले.
यावेळी Akash Ambani यांनी जिओकडून उभारण्यात येत असलेल्या एआय इकोसिस्टमची सविस्तर माहिती पंतप्रधानांना दिली. विविध क्षेत्रांत विकसित होत असलेल्या या तंत्रज्ञानामुळे भारतात डिजिटल सक्षमीकरणाला अधिक गती मिळेल, असा विश्वास व्यक्त करण्यात आला.
जिओकडून “एआय फॉर ऑल” या संकल्पनेवर सातत्याने भर देण्यात येत आहे. Mukesh Ambani यांनी यापूर्वी स्पष्ट केले आहे की, तंत्रज्ञानाचा खरा लाभ तोच, जो मोठ्या प्रमाणावर सामान्य नागरिकांपर्यंत पोहोचतो. याच व्हिजननुसार जिओ विविध एआय-आधारित सेवा विकसित करत आहे.
इंडिया एआय इम्पॅक्ट समिटमध्ये देश-विदेशातील आघाडीच्या टेक कंपन्या आणि धोरणनिर्माते सहभागी झाले असून, पंतप्रधानांच्या या भेटीमुळे एआय क्षेत्रातील खासगी गुंतवणूक आणि इनिशिएटिव्ह्जकडे विशेष लक्ष वेधले गेले आहे. भारत एआय क्रांतीत अग्रस्थानी राहण्यासाठी सार्वजनिक-खासगी भागीदारी महत्त्वाची ठरणार असल्याचे यानिमित्ताने अधोरेखित झाले.
Comments
Post a Comment