क्लासरूम पासून कृत्रिम बुद्धिमत्तेपर्यंतचा प्रवास आता अधिक सुलभ; जिओ पीसीमुळे विद्यार्थ्यांना संगणक वापरणे सहजशक्य

 क्लासरूम पासून  कृत्रिम बुद्धिमत्तेपर्यंतचा प्रवास आता अधिक सुलभ; जिओ पीसीमुळे विद्यार्थ्यांना संगणक वापरणे सहजशक्य 

विद्यार्थी, शाळा, महाविद्यालये आणि कौशल्य विकास केंद्रांसाठी जिओची किफायतशीर सदस्यता सेवा

विद्यमान संगणक किंवा मॉनिटरचे रूपांतर कृत्रिम बुद्धिमत्तेसाठी सज्ज संगणकात करा; गरजेनुसार निवडा परवडणारे सदस्यता प्लॅन

कोल्हापूर 12  सिटी न्यूज नेटवर्क 

रिलायन्स जिओने जिओपीसी या सेवेद्वारे विद्यार्थ्यांना आणि शैक्षणिक संस्थांना प्रगत संगणकीय सुविधा अधिक सुलभ आणि परवडणाऱ्या दरात उपलब्ध करून देण्याच्या आपल्या प्रयत्नांना अधिक बळ दिले आहे. संगणकासाठी नवीन उपकरण खरेदी करण्याची गरज न पडता क्लाऊडच्या माध्यमातून प्रगत संगणकीय सुविधा वापरण्याची संधी जिओपीसी देते.

जिओपीसीमुळे वापरकर्त्यांना क्लाऊडच्या माध्यमातून आधुनिक संगणकीय वातावरण उपलब्ध होते. वापरकर्त्यांच्या गरजेनुसार या सेवेतील संगणकीय क्षमता निश्चित करता येते. विद्यमान लॅपटॉप किंवा डेस्कटॉपचा वापर अधिक काळ करता येतो, तर जिओ सेट-टॉप बॉक्सच्या मदतीने साध्या मॉनिटरचे संगणकात रूपांतर करता येते. वेब ब्राउझरच्या माध्यमातूनही संपूर्ण संगणकीय वातावरण वापरण्याची सुविधा मिळते.

या सेवेमुळे संगणक वापरण्याचा अनुभव विशिष्ट उपकरणापुरता मर्यादित राहत नाही. वापरकर्ते वेगवेगळ्या स्क्रीन आणि उपकरणांवरून आपल्या जिओपीसी खात्यात प्रवेश करू शकतात. त्यामुळे ठिकाण किंवा उपकरण बदलले तरी विद्यार्थ्यांना आणि इतर वापरकर्त्यांना काम सुरू ठेवणे सोपे होते. विद्यमान संगणक, जिओ सेट-टॉप बॉक्सला जोडलेला टीव्ही किंवा अन्य मॉनिटर अशा विविध माध्यमांतून जिओपीसी वापरता येते.

जिओपीसी वापरण्यासाठी जिओचे ग्राहक असणे बंधनकारक नाही. सक्रिय जिओपीसी सदस्यता असल्यास इतर इंटरनेट सेवा पुरवठादारांच्या ब्रॉडबँड किंवा इंटरनेट कनेक्शनद्वारेही वापरकर्ते वेब ब्राउझरच्या माध्यमातून या सेवेचा लाभ घेऊ शकतात.

विद्यार्थ्यांसाठी जिओपीसीच्या माध्यमातून ऑनलाइन आणि प्रत्यक्ष शिक्षणाच्या संमिश्र पद्धतीतील वर्ग, शैक्षणिक ॲप्लिकेशन्स, कोडिंग, डिझाइन, संशोधन आणि जनरेटिव्ह एआय यांसारख्या कामांसाठी आवश्यक संगणकीय सुविधा उपलब्ध होतात. शिक्षणातील तंत्रज्ञानाचा वापर वाढत असताना, विद्यमान लॅपटॉप किंवा डेस्कटॉप बदलण्याची गरज न पडता अधिक प्रगत संगणकीय सुविधा वापरणे शक्य होते. त्यामुळे सध्याच्या उपकरणांचा वापर अधिक काळ करता येतो आणि आधुनिक संगणकीय वातावरणाचा लाभही मिळतो.

शाळा, महाविद्यालये आणि कौशल्य विकास केंद्रांसाठीही ही सेवा उपयुक्त ठरू शकते. संपूर्ण संगणक प्रयोगशाळेतील उपकरणे बदलण्याऐवजी विद्यमान संगणकांचा वापर करून विद्यार्थ्यांना अधिक प्रगत संगणकीय सुविधा उपलब्ध करून देता येतात. त्यामुळे मोठ्या प्रमाणावर हार्डवेअर बदलण्याचा खर्च कमी होतो आणि सुरू असलेल्या शैक्षणिक कामकाजात कमीत कमी व्यत्यय येतो.

जिओपीसीची रचना गरजेनुसार बदलता येणाऱ्या संगणकीय सुविधांवर आधारित आहे. मोठी रक्कम एकाच वेळी खर्च करण्याऐवजी सदस्यता योजनांद्वारे क्लाऊडमधील संगणकीय संसाधने वापरता येतात. वापरानुसार खर्च करण्याच्या या पद्धतीमुळे विद्यार्थी, कुटुंबे आणि शैक्षणिक संस्थांना अधिक लवचिक पर्याय उपलब्ध होतो.

जिओपीसीचे सदस्यता प्लॅन आणि दर

सदस्यता कालावधी जिओपीसी – ८ जीबी रॅम / ५०० जीबी स्टोरेज जिओपीसी अल्ट्रा – १६ जीबी रॅम / १ टीबी स्टोरेज

२ महिने ₹१,००० ₹१,२००

५ महिने ₹२,००० ₹२,५००

१०+२ महिने ₹४,००० ₹५,०००

जिओहोम ग्राहकांसाठी या सेवेसोबत अतिरिक्त लाभही उपलब्ध आहे. दरमहा ₹१०० मूल्याचे जिओहोम व्हाउचर ब्रॉडबँड बिलासाठी वापरता येते. पात्र ग्राहकांना यामुळे जिओपीसीचा मासिक खर्च प्रभावीपणे कमी करता येतो.

जिओपीसी सुरू करण्याची प्रक्रिया सोपी आहे. वापरकर्ते आपल्या पसंतीचा प्लॅन निवडून सेवा सक्रिय करू शकतात. यासाठी डेटा स्थलांतरित करण्याची किंवा हार्डवेअरमध्ये बदल करण्याची आवश्यकता नाही. केवळ लॉग-इन तपशीलांच्या मदतीने विविध उपकरणांवर, वेगवेगळ्या स्वरूपातील स्क्रीनवर आणि विविध ठिकाणांहून संगणकीय सुविधा वापरता येतात. त्यामुळे प्रत्येक वेळी स्वतंत्र संगणक सोबत बाळगण्याची गरज राहत नाही.

जिओपीसीमध्ये उबंटू (लिनक्स) इंटरफेस, लिब्रेऑफिस आणि वेब ब्राउझर उपलब्ध आहेत. त्याद्वारे मायक्रोसॉफ्ट ३६५सारख्या ऑनलाइन ॲप्लिकेशन्सचा वापर करता येतो. ॲडोबी एक्सप्रेससारख्या साधनांनाही या सेवेत समर्थन आहे.

पारंपरिक संगणकांमध्ये फाइल्स उपकरणावर साठवल्या जातात; मात्र जिओपीसीमध्ये डेटा आपत्तीच्या परिस्थितीतही पुनर्प्राप्तीची सुविधा असलेल्या एंटरप्राइज-ग्रेड क्लाऊड स्टोरेजमध्ये साठवला जातो. या सेवेत झिरो ट्रस्ट सुरक्षा मॉडेलचा वापर करण्यात आला आहे. उपकरणावर स्थानिक पातळीवर डेटा साठवला जात नसल्यामुळे संगणक किंवा सेट-टॉप बॉक्स खराब झाला किंवा हरवला, तरी क्लाऊडमध्ये साठवलेल्या वापरकर्त्याच्या डेटावर त्याचा परिणाम होत नाही.

संगणक वापरण्यातील खर्च, सुविधा आणि उपलब्ध आशय या तीन प्रमुख आव्हानांवर जिओपीसी उपाय उपलब्ध करून देते. स्वतंत्र हार्डवेअर खरेदी न करता, गरजेनुसार बदलता येणाऱ्या आणि सामायिक करता येणाऱ्या क्लाऊड संगणकीय सुविधांचा लाभ या सेवेद्वारे घेता येतो. उपकरणावर अवलंबून नसलेला प्रवेश, स्वयंचलित अपग्रेड, एकात्मिक क्लाऊड स्टोरेज आणि लवचिक सदस्यता दर यांमुळे जिओपीसी अधिक सोयीस्कर आणि किफायतशीर संगणकीय अनुभव देते. यासोबत कृत्रिम बुद्धिमत्ता साधने, उत्पादकता वाढवणारी ॲप्लिकेशन्स आणि शिक्षणविषयक प्लॅटफॉर्मचा लाभही मिळतो.

अधिक माहिती आणि सदस्यतेसाठी भेट द्या:

https://www.jio.com/jiopc/pwa/