महानायक अमिताभ बच्चन यांचा ८४ वा वाढदिवस बच्चनवेडे कोल्हापुरी ग्रुपतर्फे उत्साहात साजरा!

 महानायक अमिताभ बच्चन यांचा ८४ वा वाढदिवस बच्चनवेडे कोल्हापुरी ग्रुपतर्फे उत्साहात साजरा

*‘जिंदगी मिलके बितायेंगे’च्या स्वरांत रंगला सोहळा; ‘महानायक सहवास’ येथे बच्चनप्रेमींचा जल्लोष.*

कोल्हापूर, 13  सिटी न्यूज नेटवर्क 

हिंदी चित्रपटसृष्टीचे महानायक, कोट्यवधी चाहत्यांच्या हृदयावर अधिराज्य गाजवणारे ज्येष्ठ अभिनेते अमिताभ बच्चन यांच्या ८४ व्या वाढदिवसानिमित्त कोल्हापुरातील *बच्चनवेडे कोल्हापुरी ग्रुपच्या* वतीने साईक्स एक्स्टेंशन येथील ‘महानायक सहवास’ येथे वाढदिवसाचा सोहळा मोठ्या उत्साहात आणि जल्लोषपूर्ण वातावरणात साजरा करण्यात आला. अमिताभ बच्चन यांच्यावरील प्रेम, आदर आणि चित्रपटांच्या माध्यमातून जपलेले भावनिक नाते या सोहळ्यातून पुन्हा एकदा अनुभवायला मिळाले.

कार्यक्रमाची सुरुवात *‘महानायक सहवास’* येथील नवीन पोस्टरच्या अनावरणाने झाली. डॉ. संदीप पाटील यांच्या हस्ते या पोस्टरचे उद्घाटन करण्यात आले. यावेळी बच्चनवेडे कोल्हापुरी ग्रुपच्या वतीने खास ग्रुपचा लोगो असलेला मफलर देऊन डॉ. संदीप पाटील यांचा सन्मान करण्यात आला.

त्यानंतर ग्रुपचे लोकप्रिय थीम साँग ‘जिंदगी मिलके बितायेंगे’ हे गीत उपस्थित बच्चनप्रेमींनी एकसुरात गाऊन वातावरणात उत्साह आणि आपुलकीचे रंग भरले. या गीताच्या सुरावटीत आणि टाळ्यांच्या गजरात अमिताभ बच्चन यांच्या छायाचित्राने सजविलेल्या विशेष केकचे कापून वाढदिवस साजरा करण्यात आला. दरवर्षीप्रमाणे यंदाही श्री. अमर जाधव यांनी स्वतः पुढाकार घेत अमिताभ बच्चन यांचे छायाचित्र असलेला आकर्षक केक प्रायोजित केला होता. डॉ. संदीप पाटील, प्रकाश मेहता, अमर जाधव आणि साईक्स एक्स्टेंशनचे नगरसेवक तथा माजी महापौर संजयजी मोहिते यांच्या हस्ते केक कापण्यात आला.

या सोहळ्याचे विशेष आकर्षण म्हणजे उपस्थित बच्चनप्रेमींनी अमिताभ बच्चन यांच्याविषयी व्यक्त केलेला उत्स्फूर्त आनंद आणि त्यांच्याशी जोडलेली भावनिक नाळ. *‘अमिताभ बच्चन यांच्या नावानं चांगभलं!’, ‘एक बच्चनवेडा लाख बच्चनवेडा!’, ‘जय बच्चन, जय जय बच्चन!’ आणि ‘तुमचं आमचं नातं काय? अमिताभ बच्चन दुसरं काय!’* अशा घोषणांनी संपूर्ण परिसर दुमदुमून गेला. या घोषणांतून महानायकांबद्दलचे प्रेम आणि बच्चनवेडे कोल्हापुरी ग्रुपची एकजूट ठळकपणे दिसून आली.

अमिताभ बच्चन यांच्या अभिनयाने, दमदार संवादांनी, अजरामर चित्रपटांनी आणि व्यक्तिमत्त्वाने अनेक पिढ्यांवर मोहिनी घातली आहे. त्यांच्या वाढदिवसानिमित्त एकत्र येत आनंद साजरा करण्याची बच्चनवेडे कोल्हापुरी ग्रुपची परंपरा चाहत्यांमधील हे नाते अधिक दृढ करणारी ठरत आहे. केवळ चित्रपटांवरील प्रेमापुरता मर्यादित न राहता, एकाच आवडीने जोडलेल्या मित्रपरिवाराचे स्नेहबंध जपण्याचे काम हा ग्रुप सातत्याने करीत आहे.

*या कार्यक्रमाला ग्रुपचे मुख्य ॲडमिन सुधर्म वाझे, सरपंच प्रकाश मेहता, सचिन लिंग्रस, संजय मोहिते, संजय किंकर, दीपक घारगे, सचिन मणियार, कुंदन ओसवाल, श्रीकांत घोडके, लक्ष्मण कांबळे, सचिन कोठारी, अल्ताफ मकानदार, जॉनी यादव, संग्राम सूर्यवंशी,डॉ. शिवाजी जाधव, सुरज नाईक,जमीरभाई,सचिन गायकवाड, जगन्नाथ कांबळे, नितीन रोकडे, शरद पाटोळे, वंदना जाधव यांच्यासह अनेक बच्चनवेडे उपस्थित होते.*

महानायकांच्या ८४ व्या वाढदिवसाच्या निमित्ताने साजरा झालेला हा सोहळा म्हणजे अमिताभ बच्चन यांच्यावरील अतूट प्रेमाचा, मैत्रीचा आणि सामूहिक आनंदाचा उत्सव ठरला. *‘महानायक सहवास’* येथे रंगलेल्या या कार्यक्रमाने कोल्हापुरातील बच्चनवेडेंच्या उत्साहाला नवी ऊर्जा दिली.

प्रेस नोटसाठी सुचविलेले छायाचित्र कॅप्शन :

कोल्हापूर : महानायक अमिताभ बच्चन यांच्या ८४ व्या वाढदिवसानिमित्त बच्चनवेडे कोल्हापुरी ग्रुपच्या वतीने ‘महानायक सहवास’ येथे आयोजित कार्यक्रमात केक कापताना डॉ. संदीप पाटील, प्रकाश मेहता, अमर जाधव, माजी महापौर संजयजी मोहिते व उपस्थित बच्चनवेडे.